Ով քնել է՝ արթնացավ կողոպտված Հայաստանում: Բոլորս, ով քնել է, նպաստեցինք Հայաստանի կողոպուտին: Կողոպտված են մեր ընտանիքները, բռնաբարված են մեր բարոյականությունը, մեր խիղճը, մեր հոգին: Ավելի վատ բան եղավ՝ կողոպուտից հետո գողերը չփախան, նրանք վերահաստատվեցին որպես մեր երկրի, մեր հասարակության մեր անձի, մեր հոգու, մեր մարմնի կառավարիչներ: Հիմա մենք պետք է նրանց ձեռքը համբուրենք, ցատկենք այն մի կտոր հացի համար, որ նրանք կբարեհաճեն մեզ շպրտել, լիզենք այդ հացը շպրտող ձեռքը: Ծանոթ պատկեր է, այսպես էին վարվում թուրք սպաները հայ գաղթականների նկատմամբ՝ զվարճանալ ցանկանալիս: Այսօր կողոպտիչները զվարճանալու ցանկություն կունենան...

Գրեթե բոլոր այն տեղամասերում, որտեղ ոչը հաղթում է, հրամայել են վերահաշվել, այն հույսով ու հաշվով, որ կկարողանան վերադասավորել սերժիկի օգտին: Էս է սերժիկի ժողովրդավարական, արդար, սահմանադրական բարեփոխումը, էս կարգի այլանդակություննն է սրանց ձեռագիրը, սրանք նամուսով պարտվել էլ չգիտեն ուր մնաց հաղթել իմանային:

Համաձայն ԱԺ կանոնակարգի՝ հայտարարում ենք այս նստաշրջանի հետագա աշխատանքի բոյկոտի մասին, քանի որ ստեղծված վիճակում չենք կարող ձեզ հետ նստել մի դահլիճում ու սովորականի պես գործ անել, պատճառը՝ կամարտահայտության ամոթալի ոտնահարում է, որ երեկ եղավ, երբ ընտրակեղծարարության զինանոցով կեղծվեց հանրաքվեն: Տեղի են ունեցել զանգվածային լցոնումներ, ահաբեկումներ, ընտրակաշառքի բաժանում:

Երեկ ականատես եղանք՝ ինչպես հայ ժողովուրդը գնաց ու քվեարկեց «ո՛չ» Սերժ Սարգսյանին: Մի վախեցեք, դատապարտման ժամը գալու է, ու օրենքով ենք ձեզ դատապարտելու:

Ինչ ասես՝ կասեն… Հա, Մուկուչյանը Այվազովսկի՞ն էր: Ինչ թիվ տալիս են, նա հայտարարում է, հո, չի՞ հորինում: Ես մեր տարածքում՝ Էջմիածնում գիտեմ, որ շատ արդար է անցել, ոչ մի բողոք, տեսե՞լ եք որևէ բողոք լինի, կամ մեկը մեկին վախեցնի: Կռված մարդը ինչ ասես՝ կասի: Հիմա որ կրեին կասեին, որ սենց արդար ընտրություն չի եղել, հիմա պետք է մեկի վրա շառը գցեն: Պետք է համակերպվենք, որ պետք է մեկը հաղթի, մեկը պարտվի:

«Ոչ» քվեարկողներն 10 անգամ ավելի շատ են եղել, բայց այդ ձայներն անցել են Կենտրոնական ընտրական հանձնաժողովի թրի տակով. Ցավակցում եմ բոլորիս: Եվս մեկ անգամ ապացուցվեց, որ ընտրակեղծարարությունը դարձել է սովորական երևույթ ՀՀԿ-ի համար: Ընտրատեղամասերի մեծ մասերում ունեինք մեր ներկայացուցիչները, մեր կուսակցական, ծանոթ մարդիկ, որոնք փորձում էին տեր կանգնել քվեին: Հաղորդագրություններից երևում է, որ եթե ոչ 5 անգամ, ապա 10 անգամ ոչ քվեարկողները շատ էին:

Կիրառվել են ընտրակեղծիքների բոլոր ավանդական ու նոր տեսակները: Այնքան են լկտիացել, որ եթե նախորդ ընտրություններին 5 հազար դրամ ընտրակաշառք էին բաժանում, հասցրել են 3 հազար դրամի: Ընտրացուցակում հորս անունը կար, մինչդեռ նա երկու տարի առաջ մահացել էր: Եռակի քվեարկություններ են եղել, կարուսել եղել է զորամասային ծրագրով: Զինվորներին տեղամասից ընտրատեղամաս են տեղափոխել: Զինված ուժերում գտնվող մարդկանց ընտանիքների անձնագրերը հավաքել էին այո քվեարկելու համար: Բոլորը պետք է դուրս գան փողոց ու չհեռանան փողոցից մինչև այս ռեժիմին չհեռացնենք:

Բել Սարգսյանը նորից հաղթեց Հայկին: Սակայն գլխավոր հաղթողն ու դերակատարը երեկ Սերժը չէր: Ոչ էլ նրա սևազգեստ հաստավիզ խաժամուժը, որ հազարներ էր բաժանում ծախվողներին, միլիոններ տանելու ակնկալիքով: Այդ կրկեսի տնօրենն էր Ձմեռ Պապու արտաքինով ռուսաստանյան ՑԻԿ-ի, այսինքն ցիրկի, այսինք կենտրոնական ընտրական հանձնաժողովի նախագահ Չուռովը: Նրա շեֆը, Պուծինը, այդքան էր կարևորել Բելի հաղթանակը Հայկի նկատմամբ, որ հատուկ գործուղեց Հայաստան կեղծարարության իր գլխավոր մասնագետ Չուռովին: Դե մեզ էդքանն էլ է բոլ: Օրինակ, ՄԱԿ-ում նման կրկես կազմակերպելու համար Պուծինն ունի մեկ այլ ծաղրածու` Չուռկինին: Այսպես, Չուռովի ու Չուռկինի ձեռքով են մեզ սարքում այն, ինչ հետո արդարացի հեգնանոքով նրանք էլ անվանում են «չուրկա»… Իսկ մենք այստեղ ո՞ւմ խրտվիլակներն ենք վառում:

Կյանքը պայքար է, արդար պայքար է, յուրաքանչյուրն իր ձևով է պայքարում, և սպասել արդարության ՝ մատը մատին չխփելով այդ արդարությունը հաստատելու համար, այդքան էլ ճիշտ չէ: Դժվար է հավատալ, որ մի օրում կարող է փոխվել ավանդույթը, որը ձեռք ենք բերել 25 տարվա ընթացքում, բայց կարևորն այն է, թե հասարակությունը և պատկան մարմիններն ինչպես կարձագանքեն խախտումներին: Արդարությունը ոչ թե օրենքի խախտման բացակայության մեջ է կայանում, այլ օրենքի ուժը կիրառելու և արդարությունը վերականգնելու մեջ:

Արմեն Մարտիրոսյանն ասեց, որ նորից կարիք կլինի արտահերթ ընտրությունների, երբ սրանք հեռանան։ Հա բայց ինչքան կարելի ա էս ժողովրդին քարշ տալ էդ թղթիկները գցելու խաղին մասնակցելու, բոլ չի՞…

Ընտրեցիք էլի երկու տարի առաջ, ասում են Րաֆֆին լիդեռ չի, իսկ մեզ հիմա ոչ թե տենց լիդեռ ա պետք, այլ խելքը գլխին դրսում կապեր ունեցող, մի քանի լուրջ տնտեսական ռեֆորմներ անելու ընդունակ անձ, իսկ Րաֆֆին դա կարա, իսկ Լիդեռ ունենք՝ Ժիրիկն էլ կողքն ա, ոչ մի տեղ չի գնա՝ հաստատ գիտեմ ․․․ ափսոս որ այս ամենը կարար լիներ երկու տարի առաջ․․․ այ սենց կողք կողքի, առանց սուր սարկազմի ու մնացած բաների, որ մենք էն ժամանակ տեսանք․․․ ուրեմն սրան ենք արժանի, մի քայլ առաջ, մի քայլ ետ․․․

Ժանգոտ ճշմարտություն.
Այսուհետ՝ հայոց լեզվում

ԱՅՈ՝ կնշանակի ՈՉ...
ՈՉ՝ կնշանակի ԱՅՈ...

Ավելի լավ չէ՞ր գնայիք Դուբայում պոռնիկ աշխատեիք, ընտրակեղծիքներին մասնակցած հայաստանցիներ…

Ընտրական իրավունքի պաշտպանության «Գոլոս» ընկերակցության ներկայացուցիչ Ռոման Ուդոտն, անդրադառնալով երեկ ՀՀ-ում անցկացված սահմանադրական փոփոխությունների հանրաքվեին, նշել է, որ քվեարկությունների ժամանակ անձամբ է խախտումներ արձանագրել. «3 տեղամասերում տեսա՝ ինչպես են քվեատուփերը լցոնում: Լցոնումների թիվը մոտ 300 հատ էր, նկարել եմ դա, խոսել հանձնաժողովի նախագահի հետ: Նա ստիպված էր բացատրել, ի վերջո, մենք ահռելի թվով ծրարներ տեսանք առավոտյան, երբ որևէ ընտրող չկար: Էն մարդիկ, ովքեր այս բաներն անում են, ՀՀ-ն երկու տարբեր մտածելակերպի, զարգացման ուղիների են պառակտում, դա վատ է, դրա դեմ պետք է պայքարել: Այս աղճատումը մեծ է ու մտահոգիչ: