Ընտրական գործընթացում կա անհավասար հնարավորությունների շուրջ մտահոգություն, անհավասարություն, որի արդյունքում ոչ հստակ տարբերակում է նկատվում պետության ու կառավարող կուսակցության գործունեության միջև:
Չնայած ընտրությունների ընթացքը հիմնականում եղել է հանգիստ, սակայն նկատվել է ներկա նախագահի կողմնակիցների կողմից ոչ պատշաճ միջամտություն, գրանցվել են մի շարք լուրջ խախտումներ, որոնք արժանի են հետաքննության:

Այս ընտրությունները բարելավված էին, սակայն զուրկ էին իրական մրցակցությունից: Մեզ համար հաճելի է առաջընթաց գրանցել մի քանի ոլորտներում, սակայն մրցակցությունը կարևոր է, եթե Հայաստանը պատրաստվում է արդարացնել իր ժողովրդի ձգտումները` դեպի ամուր և ոգեշնչող ժողովրդավարություն: Ձեռնարկվել են թափանցիկությանն ուղղված կարևոր միջոցառումներ, նաև քվեարկողների ցուցակը բարելավելու էական ջանքեր են արձանագրվել: Անձնագրերի թանաքը չի ապահովել մի քանի անգամ քվեարկելու դեմ նախատեսված երաշխիքը, քանզի թանաքը հեշտությամբ մաքրվում էր:

Գործող նախագահ Սերժ Սարգսյանը կպահպանի իր լիազորությունները երկրորդ հնգամյա ժամկետում: Ընտրությունների արդյունքներն արդարացրել են տեղական սոցիոլոգների կանխատեսումները, որոնց հարցումների համաձայն՝ առաջին փուլում համոզիչ հաղթանակը գործող նախագահինն է։

Ընտրությունների բարեհաջող ընթացքն ու ավարտը կարող է դրական դեր ունենալ Հայաստանի համար` Եվրոպական ինտեգրման հարցում: Սերժ Սարգսյանը համարվում է ուժեղ առաջնորդ: Առաջատարներից է նաև Րաֆֆի Հովհաննիսյանը:

Սերժ Սարգսյանի գլխավոր մրցակից Րաֆֆի Հովհաննիսյանը հրաժարվում է ընդունել պարտությունը` պնդելով, որ ժողովուրդն իրեն է ընտրել որպես նախագահ:
2008թ. նախագահական ընտրություններից հետո` մարտի 1-ին տեղի ունեցած դեպքերի հետ համեմատած Հայաստանում այսօր քիչ հավանական կլինի քաղաքական իրադրության նման շիկացումը, քանի որ հայ հասարակությանն այսօր ավելի դժվար կլինի ուղղորդել, քան 5 տարի առաջ: Ընտրությունների արդյունքները կանխորոշված էին, քանի որ դրանց չէին մասնակցում ընդդիմադիր հզոր ուժերը: